Við Lalli erum ekki í útjaðri Kalahari, þetta er í garðinum okkar.. Lovely.. :/ Er samt skömminni skárra en í fyrra, þó ótrúlegt megi virðast..
Hrefna systir er sennilegast að koma til Osló á fund um miðjan júní og stoppar þá vonandi hjá okkur í 2-3 nætur, þá ætla ég að spyrja proffinn ráða :)
Veðrið er annars aðeins að batna, búið að vera kalt vor almennt, en var sól og blíða í gær. Tengdó komu í heimsókn og einnig Inger Marie elsta systir KJ og við grilluðum og það var voða kósý :)

Nýja garðhúsgagnasettið okkar, en hér rignir bara og rignir...

Magnaðar kanínur (ef þið smellið á myndina farið þið inn á síðu þar sem eru fleiri myndir af þessu pari)! :) Þetta minnir mig á kennslubækur í jóga, þar sem er mynd af "réttri stöðu" og "rangri stöðu" hlið við hlið.. :) Þa ðþarf náttúrlega ekki að geta þess að svona kanínulistir eru daglegt brauð hér í Vennerhagen.. ;p

Ipodinn minn gaf nýverið upp öndina, eftir langa og trygga þjónustu. Ég fór með hann til Dr. Ipod hér í Osló, en honum var ekki viðbjargandi. Ég er hinsvegar komin yfir tapið, þar sem ég er búin að fá nýjan ipod (nýpod) og er býsna ánægð með. Sá nýi er 120 gb Ipod Classic og kostar bara brot af því sem sá gamli kostaði á sínum tíma og hefur upp á allskyns skemmtilegar nýjungar að bjóða. Hann getur td sett saman "playlists" sjálfur, hef prófað það og er bara mjög vel lukkað :)
Annars er mest lítið að frétta, snjór er á hröðu undanhaldi og voða fínt veður. Við hjónakornin fórum í smá gönguferð áðan upp í ásinn, komumst samt ekki jafnlangt og við höfðum hugsað okkur, vegna þess að það var svo mikill snjór og við nenntum ekki að brölta í gegnum snjóinn og verða blaut í fæturnar.
Eins og þið kannski vitið, safna ég myndlistarbókum og ég fékk pakka í póstinum frá Þýskalandi um daginn, frá Elísabeth sem ég kaupi þýskar myndlistabækur af (í vinnunni), ég átti ekki von á neinu frá henni (hún hefur áður sagt að ef mig langi í eigið eintak af e-i bók, þá sé bara að spyrja og hún skuli athuga hvort forlagið vilji senda mér eintak) en fékk (15 kg!) pakka í póstinum með 10 myndlistarbókum! Ég varð bara hálf sjokkeruð, en ekkert smá næs af henni :) Enda vex bókasafnið mitt óðfluga! :)

Hann Lalli minn komst heldur betur í feitt um daginn, þegar hann uppgötvaði þetta líka forðabúr, rétt fyrir utan íbúðina sína :) Ég er búin að bíða eftir að hann finni þetta, en þetta er í fyrsta og eina skiptið sem ég hef sé hann gæða sér af gnægtarborðinu. Hann hefur það annars ljómandi gott um þessar mundir, er búinn að vera þvílíkt kelisjúkur undanfarið, eltir mig um allt, ef ég fer á klósettið bíður hann fyrir utan og á kvöldin þegar við erum að horfa á sjónvarpið, situr hann við hliðina á mér og starir á mig og ef það dugar ekki, hnippir hann í mig þangað til hann fær kjass! Hann verður sjálfsagt feginn greyið þegar snjóa leysir og hann getur farið út.
Það er nefnilega allt á kafi enn hér í sveitinni, þó hafi bráðnað mikið undanfarið, þá var bara svo rosalega mikill snjór til að byrja með, að það tekur langan tíma að losna við allt. En sveitungarnir segja að vorið komi alltaf um páskana, sama hvenær þeir séu, svo það er lofandi :)
Ég ætlaði að vera svo dugleg um páskana, gera vorhreingerningu í eldhúsinu, en rann á rassinn með allt, ég er búin að vera kvefuð og slöpp, svo það verður að bíða betri tíma. Ég tók mig þó til í dag og pantaði pappírtunnu hjá Renovasjonsetaten, við höfum hingað til nýtt okkur gám sem stendur við búðina, sem er fínt fyrir stærra pappírsrusl, en það er pínu þungvinnt að keyra hverja einustu fernu 1,5 km í gáminn.. Þetta safnast bara upp í bílskúrnum í staðinn (eftir að hafa staðið í viku á eldhúsbekknum.. urr..). Ég hélt að kannski okkur stæði ekki eigin tunna til boða af því við búum útúr (dró þá ályktun þar sem var engin svona tunna hér fyrir, hvorki hjá fyrrverandi eigendum eða nágrönnunum), en það er náttúrlega bara vitleysa, það kemur hvort eð er ruslabíll hér 1x í viku að tæma hitt ruslið. Ok, þetta voru spennandi fréttir dagsins! ;)

Ps: Strákurinn hjá Renovasjonsetaten hringdi tilbaka seinna um daginn og er víst ekki hægt ad fá pappírstunnu hér í Sørkedalen... :(

Mér áskotnaðist nýverið mjög flott bók um áströlsku listakonuna Cressida Campbell (kíkið endilega á síðuna), sem vinnur í spennandi grafíktækni. Hún teiknar fyrst á tréplötu, síðan sker hún út sjálfa línuteikninguna og svo málar hún plötuna með vatnslitum (minnir mig) og að því loknu gerir hún eitt grafíkþrykk af plötunni. Þannig að hver mynd kemur í 2 eintökum, annarsvegar á pappír og hinsvegar á tréplötunni og kemur mjög skemmtileg áferð. Ég rakst á grein um hana í Ástralska Vogue Living og Kjói minn var svo sætur í sér að panta bókina handa mér á netinu :) Ég var reyndar pínu spæld hvað var lítill teksti í bókinni, yfirleitt hrjáir það mig lítið þegar um myndlistarbækur er að ræða, en í þessu tilfelli hefði ég gjarnan viljað lesa um tæknina sem hún hefur þróað.
Við erum annars búin að hafa það mjög gott um páskana, þvílíkur lúksus að vera frá vinnu í 5 daga! :) Við erum reyndar búin að vera mjög kvefuð svo ég hef bara tekið því rólega, finn að ég er enn hálf tuskuleg með hitaslæðing og verð móð við minnstu áreynslu.

Hún sæta systa mín á afmæli í dag, er orðin 34ra!! Til hamingju með daginn systa mín, ef þú heldur þér við efnið nærðu mér bráðlega!! :D